スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。
Posted by martharita on --.--
Category :スポンサー広告

Letter 1

Dear仔仔﹕

媽媽本來好想好好地寫封信畀你,同你慢慢分享下有左你之後既心情。

不過啱啱遇著剛剛,你就係我下筆既時候大喊一場!...冇辦法,只能夠放低手上工作,馬上去床邊睇你。

本來你已經就寢,喺床仔安靜地睡著。但係你好興喺呢D時候,即係11點幾、12點幾、1點幾同2點幾不定時咁醒一醒,再大哭一場!喔~~你知道你既睡眠質素對爸爸媽媽既生活其實係幾咁重要!只要你瞓得唔好,瞓下醒下,再加上你淒厲既哭聲,媽媽都會決定唔瞓,然後爸爸又會唔瞓,等媽媽等你真正安定下來時,先能夠安心去睡。

如果爸爸媽媽未上床,情況都還好的。因為我地仲有精神時間去睇你,照顧你。但如果爸爸媽媽瞓曬覺你先黎嘈,咁就慘咯!一來大家被你哭聲嘈到無覺好瞓,二來媽媽都會瞓得唔安心,其實即係瞓唔到。所以幾唔願意都好,都要硬著頭皮蓬頭垢面咁爬起身行去床邊睇你。

記得你仲係三個幾月既時候,你就係晚晚都係咁,都唔知你搞乜鬼,係到凌晨先黎喊先黎嘈。通常爸爸醒瞓D,好快會起身去睇你。之後先係媽媽瞓醒,但通常我都係個夢發到一半時就要爬起身,眼都未開咁黎觀察你。見你喊到拆天咁嘈,唔知你係咪肚餓,又擔心你發惡夢,又怕你唔舒服,又驚唔知會唔會......企喺床邊束手無策,總之就係好煩惱!爸爸亦畀你搞到無覺好瞓!你一喊,半夜起身黎睇你,姿整既佢連頭髮楝起曬都唔理啦!大家都唔知點算。爸爸仲叫媽媽睇完你之後就要上床瞓,因為唔想大家無覺好瞓。但你仲喊緊,媽媽點會瞓得安心﹖

媽媽後來上網、搵書,先知道你呢D情況可能叫「夜驚」,對住半夜喊醒既你,就冇以前咁驚惶失措,又無咁憂心沖沖啦。

仔仔,今晚你又喊啦,喊聲比以往更大聲,我估你比以前又大個左d啦。聽到你扯行咁喊,好似控訴緊d咩咁,跟住又喊到扯蝦,接住聲音都沙啞!之後又轉為哭哭啼啼,搞到爸爸媽媽都我「聽」猶憐好咁,就忍唔住去睇你,氹你同抱你咯!

講d野你知,頭先你喊到拆天咁時,我企喺床邊望住你,見你雖然喊到好大聲,但係兩粒豆豉眼四圍「哨」啵......喂,其實你係咪扮野架﹖你係咪炸嬌架﹖摸你面仔,噢,又有兩行濕濕的眼淚......究竟你邊樣至真﹖媽咪都畀你搞到頭痕。

爸爸媽媽最想都係你每個晚上都能安眠,發個美夢,一覺瞓天光後,又有美好心情迎接新一天,然後就係身體健康,快高長大。
Posted by martharita on 14.2013   0 comments   0 trackback
Category :Dear Algo

  • password
  • 管理者にだけ表示を許可する

trackbackURL:http://livingaloe.blog67.fc2.com/tb.php/898-73268470

Profile

一個徹底的白羊人。做事憑一股衝勁,接著後勁不繼,即朋友說的3分鐘熱度。怎麼說好呢﹖


即使只有3分鐘熱度,也學習如何好好發揮,成為最漂亮的永恆。

martharita

Author:martharita
事事有時節,天下任何事皆有定時: 生有時,死有時,栽種有時,拔除栽種的亦有時; 殺戮有時,治療有時,拆毀有時,建築有時; 哭有時,笑有時,哀悼有時,舞蹈有時; 拋石有時,堆石有時;擁抱有時,戒避擁抱亦有時; 尋找有時,遺失有時;保存有時,捨棄有時; 撕裂有時,縫綴有時;緘默有時,言談有時, 愛慕有時,憎恨有時;作戰有時,和睦有時。

事事有天主安排。

傾下計啦!

    カウンター

Welcome on board

Lilypie Third Birthday tickers

Since 2008 Jan

Monthly Archive

上記広告は1ヶ月以上更新のないブログに表示されています。新しい記事を書くことで広告を消せます。