スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。
Posted by martharita on --.--
Category :スポンサー広告

護髮素泥膠

你地小朋友喜歡玩泥膠嗎﹖

我個仔就非常喜歡。平時跳跳紮既佢,一玩泥膠就會定曬,好專心咁坐喺度猜呀、摔呀、仲有最鍾意切!小朋友玩泥膠好多好處,訓練小肌肉,亦提高手指靈活度。

阿仔手指活動麻麻,好多精細動作做唔到。平時買膠畀佢,佢都係搓埋一大舊,跟住就切切meet meet,又dup又拍咁。明明好令既顏色最後都變成一大舊深啡色既泥膠,包裝盒上趣緻可愛既造型從來未出現過……好可惜喔!

呢期佢好喜歡鍊(爆)野,尤其是d林林地既野如桔仔蕃茄等。畀舊泥佢搓圓禁扁,或者可以畀佢發洩下d energy,就好似人地鍊果d壓力波波咁既道理。

泥膠都有好多種方式自製,今次試玩既係護髮素泥膠,材料、製作非常簡易便宜,非常適合我呢d懶媽媽。

材料﹕
1. 護髮素 (1份)* (有人用lotion都得)
2. 粟粉(2份)*
3. 食物色素 ( 顏色任君選擇,各大整蛋糕地方,或者超市都有)
4. 有一定深度的碗一個 (防止搓粉時d粉飛到周圍都係。最好揀個唔會用黎裝食物既碗,畢竟之後會倒護髮素落去……)

*備註﹕我唔特別指明幾多分糧,有d人或者鍾意舊粉大d;我自己就唔整咁大舊,比例適中就ok)




方法﹕
1. 先放護髮素,然後再放少少食用色素,可在此時候調較你喜歉的顏色。初初唔駛咁多,猜粉時覺得唔夠色時都可以加入去。
2. 用唔要既匙搞勻佢。因為食用色素好易留色,所以用d唔要既野,免得之後支匙一pat pat色咁污糟曬。
3. 顏色調好後,可逐少加入粟粉,然後拌勻。


用匙拌都咁上下,就可落手猜粉。


不停咁猜,就會猜到舊粉團出來啦~~因為我紅色落得唔夠,變左粉紅色。


yeah!大功告成!

粉團好幼滑,而且好香,因為有護髮素香味。因為係食用色素,唔駛擔心阿仔玩時會有咩事。顏色雖然唔似街買果d咁明亮,但而家pastel系列咁,又香噴噴,仲好過出面買果d。之前整左舊綠色既,老公仲問係咪綠茶味呢?

最正係佢亂咁玩,玩到甩頭甩骨咁都所費無幾!仔仔又係玩得好投入。


今次都係我第一次整,我亦冇用量杯仔細量度材料分量,分量可能都未掌握好好,玩玩下有d散粒走出黎,跌落地上。不過充其量都係粟粉,對人健康冇害既。



「我切呀切!最鍾意切切切!」



同場加映﹕整開野有條癮,收檔後又整左d 木槺布甸畀老公仔品嚐下~~~



***舊粉可以keep住用一陣,唔玩時用密實袋包好佢放入雪櫃儲存,我諗可以放到兩三日既。
スポンサーサイト
Posted by martharita on 08.2015   0 comments   0 trackback
Category :5星級的家
Tag :BB26個月 泥膠 DIY playdough

就黎返學啦

幼稚園已經塵埃落定啦。我地打算返屋企附近既屋村學校。過年前去交文件,遇上小朋友玩年宵。

我地一去到counter, 佢見到果邊好熱鬧,即刻行埋去睇,一睇就不得了啦。原來所有小朋友都著到令令咁行年宵。阿仔原本企定定,睇到實一實,突然佢又趨前一步,又停落黎,我估佢梗係好想玩了,但又唔知咩事,所以先唔敢行埋去咯^^

我企佢後面,見到佢呢個睇到定曬既樣,完全旁若無人咁,就覺得有d感觸。到佢返學,我就會愈黎愈多後面睇佢既機會。再唔係行佢前面帶領佢,或者行佢隔離,一齊認識世界。佢遇到既事、人都係我將會感覺愈來愈陌生,佢有佢自己認識世界既方法同感受,我係無所參與、干擾的,最多是企佢後面,同佢打氣同默默祝福,希望佢健康快樂,心想事成。如果有咩唔開心,返轉頭阿媽就喺度(淚)。

不過d後生好衰的,佢實話我企佢後面監視佢,又話我唔信佢乜乜物的╰_╯ 。因為我當年都係咁同阿媽講咯~~~`(*^﹏^*)′


Posted by martharita on 08.2015   0 comments   0 trackback
Category :Algogogogo
Tag :BB24個月 幼稚園

郊遊 — 西貢釣魚翁

小朋友成長好快,趁佢未返學,有時間天氣又好,我地都會盡量進行戶外活動。

行山裝備除左一身便服,帶小朋友的話最好要個HIP SEAT啦。小朋友攰或者訓晏覺,就放佢上HIP SEAT,輕鬆好多。

1月中我地就去左釣魚翁行下。山唔係好難行。原本凍凍地既我,行左陣就急不及待除剩短袖衫。我地一支箭咁向山上衝,因為怕冬天太陽早落,黑媽媽又冇月光落山就危險了。好快就行到上去,果日太陽伯伯好幫手,雖然有D大風,但係太陽好溫暖,行得好舒服。上山時,爸爸就幫最大忙,因為阿仔扭抱時就係靠佢強勁臂彎啦^^

去到坑口坐寫住去大清水既小巴,然後於五塊田落車,一直行上山。




自從上次行完大東山,阿仔對於行山竹十分迷戀。一去親行山就話要拎住支行山篤篤邊篤邊行,成個阿伯咁。




行到中間,仔仔就訓著左了。老豆今次唔用HIP SEAT,佢話唔C服喎。上次去意大利都係靠個HIP SEAT,可能仔仔大左了,HIP SEAT唔啱用了。





我地都未上山就已經開始日落了,所以決定唔上山了,去到附近既小樹林食下TEA,輕鬆一下算了。



差不多去到行程完結時,就會見到呢個咁壯麗既景象。咁令既地方就係清水灣啦。雖然個天灰濛濛,但係海洋既顏色同灣岸曲線盡收眼底,西貢真係好令!
Posted by martharita on 08.2015   0 comments   0 trackback
Category :周圍走
Tag :BB23個月, 釣魚翁, 西貢
 

Profile

一個徹底的白羊人。做事憑一股衝勁,接著後勁不繼,即朋友說的3分鐘熱度。怎麼說好呢﹖


即使只有3分鐘熱度,也學習如何好好發揮,成為最漂亮的永恆。

martharita

Author:martharita
事事有時節,天下任何事皆有定時: 生有時,死有時,栽種有時,拔除栽種的亦有時; 殺戮有時,治療有時,拆毀有時,建築有時; 哭有時,笑有時,哀悼有時,舞蹈有時; 拋石有時,堆石有時;擁抱有時,戒避擁抱亦有時; 尋找有時,遺失有時;保存有時,捨棄有時; 撕裂有時,縫綴有時;緘默有時,言談有時, 愛慕有時,憎恨有時;作戰有時,和睦有時。

事事有天主安排。

傾下計啦!

    カウンター

Welcome on board

Lilypie Third Birthday tickers

Since 2008 Jan

Monthly Archive

上記広告は1ヶ月以上更新のないブログに表示されています。新しい記事を書くことで広告を消せます。