スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。
Posted by martharita on --.--
Category :スポンサー広告

年三十晚

年三十晚,即係新年前一日,好多公司都會早放工,因為大家都趕住返屋企團年呀,我老公都唔例外。

我地冇去行年宵,因為我地都怕多人!!

老公食完lunch就返到黎啦,今日天氣又好,我地就去左屋企附近既草地玩啦,爸爸仲同佢影左唔少相。



我地帶左個波波同番皂泡去玩。bb玩得好開心。以前和地邊有咁幸福,阿爸媽帶住四圍去,差不多日日都有公園去,而且今日仲有肥皂泡玩添!


bb玩到一身都係汗,返到屋企同佢沖個泡泡浴,點知佢驚!全程企喺沖涼盤度,一係就攬實爸爸,連坐都唔敢坐呢!

晚上就過左嫲嫲度食飯,聽日大年初一,就係bb荷包進賬既日子啦
スポンサーサイト
Posted by martharita on 31.2014   0 comments   0 trackback
Category :5星級的家

聖誕大餐

講番聖誕節先。

由聖誕節開始,直到新年期間,我地一家三口真係去左唔少地方,其中一日就上左朋友A屋企食佢親手整既聖誕大餐

朋友A一向重視食材處理,由佢親自下廚,必定擔保係優質料理!

我地果晚食左個勁好味既白啤煮蜆。平時食清酒煮蜆都好好味,估唔到白啤真係勁好味,味道一試難忘。

然後有蝸牛薯蓉,蝸牛勁美味,雖然係罐裝,但我覺得能夠喺屋企享受到咁有異國情調既食物,已經好開心。另外又有牛扒配大蝦,最開心係一邊享受美食, 同時同自己既好朋友、心愛既屋企人一齊分享,並配以香檳點綴,真係一件開心幸福的事


我地帶埋BB上去,BB好開心,成日四圍走,喺人地屋企無限探索。食完一餐優質飯,仲一齊做運動打下機,開開心心咁渡過聖誕節假期。如果A一家人多添小朋友,大家一齊玩,我相信會更過癮!
Posted by martharita on 28.2014   0 comments   0 trackback
Category :5星級的家

花墟遊

就黎又新年啦,我地屋企都未有咩賀年準備,只係貼左幾片揮春應下節,提升節日氣氛咁。

農曆新年一定唔少得年花。我地呢度賣花地方少得可憐,只有一檔!大時大節我梗唔幫襯佢啦!前幾日約埋朋友A一齊行花墟,迫迫下行下運咁啦

花墟好多人,難得先搵到個位冇乜人,快手同bb留個記念先!

BB食緊野都唔理啦,當下最緊要同佢影相留念!


BB,幾時先可以真係同你行花市呢?到你識行識走,唔好忘記我呢個大懵阿媽就得啦

見到好多賀年飾品,全部紅當當,又紅又金的,充滿節慶氣氛,自己睇見都好開心!


祝願大家萬事如意,身體健康!
Posted by martharita on 27.2014   0 comments   0 trackback
Category :C9生活

聖誕的節目

夜欄人靜,bb終於瞓著了。

呢兩晚bb半夜醒左後,好似唔識瞓返著咁,會扭計扭好耐。

以前佢扭一陣就識自己瞓返,但呢兩晚都扭超過成個鐘,最後食完奶先肯瞓。搞到日頭啲時間亂曬,好晏起身。

好彩而家佢終於瞓左,但輪到我瞓唔著,咁最好就係update下呢度啦。


BB愈大個,我地同佢去既地方就愈多。

我同老公都傾向去啲郊野地方,老公都會帶埋相機出動。老公份人就以影相行先,即係佢想同佢影相,先會揀日子搵地方同佢去。並唔係「天氣好喎!不如同bb去邊度啦!」最後先帶相機同佢影相留念。

講真,我覺得咁樣好似對bb唔公平:「阿爸心情好,你就有安樂茶飯食,老豆心情唔好,你就食屎啦!」即我有呢種感覺。

乜唔係無論父母點,都盡量令小朋友幸福愉快咩?

雖然結果是一樣的,但我覺得出發點唔同,件事情便變了質。

以前的他會做足準備,但始終天氣總有不似預期,他便會像個sit了氣的氣球。即使美景當前,那怕身在海外,他都無心欣賞,全程黑面,覺得個天對他不起似的。

但老公已很大改變。今天的他遇上沒有預期的天氣,都會放下那份怨氣,盡量享受眼前氣氛和風景,起碼不要讓我覺得他本身就是那個讓風景變得更差的源頭。

噢,說了那麼多,還沒有那個「圖呢?」,實在是太不滯了。這些日子去了不少地方,包括
1. 迪士尼,我們只去那個花園,還沒有買飛入場。
2. 又有商場和
3. 機場,
4. 另外也有出席一些媽媽會的活動,我還親手整了些飯團、卷蛋和八瓜魚腸
5. 期間有朋友上來打邊爐
6. 在嫲嫲家做冬,還有最重要的
7. 就是bb在聖誕節聖當天領洗


由做冬開始,差不多隔幾天就有節目,直到新年。那幾天真的忙個不停呢!不過都是快樂的事。這些商場照片,每次見到我都好開心。因為bb仲細,唔識擺pose,每次的表情都是最率真可愛的

冇人叫佢擺pose架!一埋去公仔度,佢就好奇心作瑞,舉起手問東問西啦
Posted by martharita on 27.2014   0 comments   0 trackback
Category :C9生活

平凡的一天

今日又係好平淡咁就過左去啦。

BB大病初瘉,佢今日嘅情況好好多。食完野之後,就同佢去咗附近嘅公園玩。去行下街,曬下太陽。希望咁樣對佢身體好啲。

順便去屋園附近嘅大廈管理處,整番張八達通。整完八達通,bb就瞓着咗啦。

我去咗新開嘅百佳超級市場行左個轉,原來好細,d貨好齊,仲冇乜人添,其實咁樣行超市先至舒服。行完就返屋企囉。

返到上去又輪到自己肚餓。於是拿拿聲做好晒啲家務,就諗住同BB落去食下午茶啦。點知佢醒咗,仲大喊一場,好彩,最後都氹得返去瞓覺。於是我就是攝手攝腳咁,推住架BB車落去食下午茶。

食完上返黎煮粥仔,咁就七點啦。老公番到屋企, 另外一種嘅生活節奏又開始啦。

我每日嘅生活,幾乎都係咁樣過,但係,我又唔會覺得好悶。可能因為湊BB啦,日日對住佢,真係好開心,好滿足。雖然食粥仔時候,佢真係好煩,但係邊有嘢十全十美嘅呢? 美中不足先係正常嘅。如果樣樣野都級級點,咁樣我先至驚。

同佢去公園玩,影咗D相,但係我個相機load唔返啲相出黎,遲下等我整返佢,再post返D生活照上來啦。
Posted by martharita on 14.2014   0 comments   0 trackback
Category :無所事事

週末日記

呢個週末過得唔係咁開心,因為有人病咗。

上個禮拜中,我已經病到死下死下。好彩到咗週末嗰日,情況係藥物控制之下都叫好番少少。

嗰日仲同D舊同學去食brunch ,下晝約埋老公,諗住行街睇戲食飯直落到夜晚。

嗰日係我哋嘅結婚週年紀念,原本有一個好開心嘅心情。

係啦,點解會係原本呢?因為我地系度睇睇下戲中間,奶奶突然打電話黎,話BB發燒喎。

BB發燒喎! !聽完佢個電話之後,真係乜嘢心情都冇晒。但係咁,奶奶好興作大數,就係明明好少野都吹到好嚴重,我同老公好緊張咁返到去之後,佢會笑笑口抱住個BB話:「冇事啦發掘節姐。」

已經唔係第一次,所以今次我地好冷靜。就係決定睇埋場戲先算!

不過咁,真係乜嘢心情都冇晒。套戲一完咗,我哋兩個人馬上急急腳返屋企啦。

返到去見到奶奶抱住阿B ,阿B又真係眉頭猛揍喎。我哋同佢番屋企,佢都好似無乜心機咁。奶奶仲話夜晚個餐冇食到添!聽佢咁講, BB情況真係好似幾嚴重咁喎。

原本我哋都計劃左星期日有街去架,但係BB病咗,除咗乜嘢心情都冇晒之內,所有計劃都要告吹啦。

我地嗰日全日都係屋企睇住BB ,佢同平時真係好唔同呀。平時跳跳紮,好活躍架,但係今次病咗,佢成個人無晒心機,野又唔肯食,仲成日發脾氣添。

佢個病情反反覆覆,體溫上上落落,我哋又攞番健康院D藥定時餵佢食,不過佢嘅體溫都好似唔係好受控制。我同老公都好擔心,好彩BB情況慢慢好轉。

到咗今日星期一,老公仲特登請假,留係屋企陪我地。唔好忘記,我依家都係病人黎架。

今日同BB去睇醫生,醫生都話佢病到7788囉,都照開咗D藥比BB ,不過我地都係無畀佢食,留返下次,萬一佢又發燒嘅時候,就有藥可以食啦。

今個週末,就係係患病之中渡過。健康真係好可貴架,冇咗健康,乜嘢都做唔到,人又冇精神,面色又差,塊面仲要水腫得好緊要, 自己見到自己都討厭啊。

患病期間亦係我嘅休息時間。諗返黎年尾都年頭,都係啲大事大節,其實我地成家人都好奔波。因為出出入入,要去唔同人嘅屋企, 都過得好充實而忙碌。

今次這呢個患病時間,亦作為一個小小嘅緩衝,好好休息一下,唔單止人要休息,亦要俾自己個心慢慢靜落嚟。

如果我有八十歲命,哈哈,其實就來到一半啦。係呢個上半身,我為咗乜嘢而忙碌呢?呢啲忙碌又令我得到啲乜嘢呢?撫心自問,其實有啲乜嘢對我係最重要嘅呢?

嚟緊嘅下半生,我又應該點樣去生活呢?我要為咗啲乜嘢去爭取呢? 暫時我都諗唔到架,或者,我唔能夠清晰咁話俾你地知啦。

總之,2014健健康康。
Posted by martharita on 14.2014   0 comments   0 trackback
Category :5星級的家
 

Profile

一個徹底的白羊人。做事憑一股衝勁,接著後勁不繼,即朋友說的3分鐘熱度。怎麼說好呢﹖


即使只有3分鐘熱度,也學習如何好好發揮,成為最漂亮的永恆。

martharita

Author:martharita
事事有時節,天下任何事皆有定時: 生有時,死有時,栽種有時,拔除栽種的亦有時; 殺戮有時,治療有時,拆毀有時,建築有時; 哭有時,笑有時,哀悼有時,舞蹈有時; 拋石有時,堆石有時;擁抱有時,戒避擁抱亦有時; 尋找有時,遺失有時;保存有時,捨棄有時; 撕裂有時,縫綴有時;緘默有時,言談有時, 愛慕有時,憎恨有時;作戰有時,和睦有時。

事事有天主安排。

傾下計啦!

    カウンター

Welcome on board

Lilypie Third Birthday tickers

Since 2008 Jan

Monthly Archive

上記広告は1ヶ月以上更新のないブログに表示されています。新しい記事を書くことで広告を消せます。