スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。
Posted by martharita on --.--
Category :スポンサー広告

入院 9

hello bb,

This is the nineth day and here you are, my angel, welcome on board :)

Do you know the first time i saw you, i felt a bit awkward at that magical moment? cuz you are so brand new to me :) I didn't know your face. How you look is always beyond my imagination. When nurse told me you are my baby, it took me a few seconds to recognize that such tiny little thing is my son. My little boy! My dear little boy who stayed in my tummy for nearly nine months has now become a real little human being and living on earth from now!

The nurse reported a few things of you to me and soon, returned to my surgery bed and hold you near me. When your forehead touched mine, i could feel how tender, soft and warm of your skin.You look so red.You neither scream nor yell but sleep tight in the hands of nurse. I was wondering if you are going to be a good boy. I saw your face scrumbled a bit the moment we touched, and I said "hello" to you. Did you know that I am your mum? Just when i started to realize you are my son, my precious little thing, the nurse had to take you away from me since I was lying on the bed for surgery.

I was undertaken a surgery by cutting my tummy to get you out. In order to see you, I need to accept this, even though I do not want to. When i saw you, all such reluctance, anxiety and worries gone in a split second. I know that millions of dollars cannot take you away from me. You are my germ, my love. I fall in love with you instantly.
スポンサーサイト
Posted by martharita on 17.2012   0 comments   0 trackback
Category :5星級的家

入院 8

仲有兩個鐘,就要將 bb 由個肚度拎出㴝,真係有啲緊張!

但我會同自己講,手術過程要放鬆。因為緊張對成件事冇幫助呀
Posted by martharita on 17.2012   0 comments   0 trackback
Category :5星級的家

入院 7.5

hello bb,

聽日你就要出㴝啦。媽媽都有啲唔捨得。以後你就唔再喺我肚入面踢踢啦。你會同其他bb一樣,出㴝呢個世界,認識、適應同接受呢個世界發生既事。

媽媽唔知你既性格係點,係一個點既人。但爸媽最想你健健康康,身心健全,快快樂樂做人。呢個世界好多時都唔係你想像中咁運作,好多時都會令你失望、唔開心。但記住,呢啲事情係正常喔!世界唔會因你而停,或因你而起舞。但你無需為呢啲事情傷心同失望。因為你幾時都有一個家,家裏有爸爸和媽媽。我地係你第一個親人,一定係最關心同愛錫你的。

慢慢你既世界愈㴝愈大,我地都會睇住你振翅高飛而鼓舞。

多謝你㴝到呢個世上,讓我地有機會成為父母,學習人生唔同階段既功課。

讓我地一齊學習,一起成長。我地一齊努力!

愛你的爸爸媽媽上


媽媽喺醫院期間,爸爸特地買了些花給我,可是醫院唔畀收花,驚敏感喎,特登影相留念咯!


呢啲紗巾係準備入院幫你清潔用的,因為你還沒有名字,所以暫時綉上媽媽與爸爸的英文名initials作記認。
Posted by martharita on 16.2012   0 comments   0 trackback
Category :5星級的家

入院 7

明天就要開刀了!過埋今晚,我就離開4B, 手術之後就到4A休養了。

今早姐姐跟我剃毛,這是手術前準備之一,稍後是手術醫生與麻醉科醫生講解手術及麻醉風險、這時麻醉醫生跟我說,手術用半身麻醉就可以了。

大約中午時份,一個穿著手術袍,戴著口罩的肥哥哥走到我床邊,介紹自己是麻醉科醫生。他要給我解釋麻醉過程。對於他的提議,我是半信半疑的。因為產檢時,無論私家還是公立,都說我要全身麻醉。再次問麻醉科醫生,確定他了解我的手術情況,他又跟我說如果我prefer 全麻,也可以為我進行。我就給搞confused 了,究竟全身還是半身好呢?

麻醉師說他推介半麻,因為副作用沒那麼嚴重。所以最後我還是簽了同意書。不過還是有點擔心。

感謝主,幸好一直有老公表姐的照顧,因她在相關部門工作。跟老公商量後,他建議我馬上通知表姐查詢情況。後來她替我搞清楚,主診醫生確認麻醉科醫生診斷,他確定沒有問題,就可以了。

既然大家都知道情況,那麼我也只好盡量let go, 放開疑慮,把我的身體交給專業人士好了。

最重要還是祈禱。畢竟所有事情,不論大小還是仗賴天主的看顧。這次又是一次與神同行好好的經歴呢!


我瞓既係窗口位,黃昏時候望出去,都幾有mood 丫。


對面都係病房,都係見到阿姐行㴝行去,姑娘出出入入。每個病人都有自己家庭同心事,唔知道佢地既故事係點呢?
Posted by martharita on 16.2012   0 comments   0 trackback
Category :5星級的家

入院 6

this is the sixth day.


多謝老公!喺度幾日冇啖好食,間中有啲甜頭就好開心啦

沒有想像過住在醫院這麼久。不過還要再多住一星期,那時候就跟現在大大不同了。我即將接受否腹生產,本來是一件普通的事,但因著自己有一舊超過10cm 的肌瘤,整個手術過程馬上變得繁複一點,而康復過程,即坐月時間就要更長了,飲食、起居也要加小心。

之前我對手術感到十分恐懼和焦慮,實在不想接受這個消息。這段時間眼見不少孕婦來來去去。大家都是帶著痛苦進來(見紅穿水有痛先㴝啦!),再經歴不可言喻的痛苦折磨,最後當然是抱著家庭新成員,一家人帶著幸福甜蜜的笑容離開。

天主安排真的十分奇妙,衪安排我早了一星期入院,見證這些來來去去,看到她們經歴痛苦,我也有點身同感受。每個孕婦的經歴都不同,每個人陣痛時間有長有短,痛的程度也因人而異。一樣的是大家都認為自己情況最嚴峻、特別,最需要額外照顧。漸漸我對自己的手術也沒有之前般緊張了,因為每個人都要經歴痛,並不只是我最特別和脆弱,和最痛,大家都是一樣的。

現在我只求主讓bb 身體健全健康,之後自己身體盡快康復,就好好了。噢,還有照顧老公,讓他不要感到太大壓力,能夠感受新生命、新成員來臨的喜悅。


bb, 我地帶左幾條紗巾仔㴝,希望到時有奶餵你,你嘔到周圍都係時,都有野幫你抹。
Posted by martharita on 15.2012   0 comments   0 trackback
Category :5星級的家

入院 ——— 第5天

駱駝穿過針孔,比富人進入天主的國,還容易。
——馬爾谷福音 10:25


喺度第五日,睇住唔少人㴝㴝去去。有啲半夜三更㴝到,第二日中午就推去產房;有啲訓幾晚都唔知幾時出院。呢間大房前前後後都有五、六轉人出入有啲雙非,有啲係新移民,亦有唔少本地人。

初㴝報到,六張床六個孕婦零溝通。有一個超多野講,但都係佢一個人講,唔係好多人回應佢。但佢好鬼熱心,某晚凌晨某孕婦痛到典床典席,可能嘈到佢訓唔著,佢冇爆佢,仲成晚關心同慰問佢,又幫佢按鐘叫姑娘。我問自己,點解我唔會主動幫果位孕婦呢?我覺得唔appropriate, 我又驚我幫倒忙。眼見佢辛苦,我選擇左袖手旁觀,為此,真係感到有啲慚愧。我呢種人,耶蘇都批評過的。

後來換左另一批人入㴝,我唔知人地咩背景。但個個都只顧自己。房間除左電視聲,其餘時間都好平靜。個別有孕婦辛苦,大家都若無其事,問候都冇多句。

後來又轉左幾個入㴝,咁啱佢地講野略帶鄉音。初時大家冇乜溝通,後來佢地熟絡起㴝,有啲仲會同隔離房有交流。“隔離房阿邊個生左個仔幾多磅,阿邊個係第幾胎,因為咩事入㴝,阿邊個喺度住左幾多日” 等等,大家有傾有講,比起前幾日既氣氛好多了。

其實大家入得㴝呢度,都算坐埋同一條船。大家傾兩句,交換近況,又有咩相干呢?大家咁樣交流下,都算係互相分享既一種。點解有鄉音既朋友可以互相吹水交流,但操純正廣東話既人又咁冷淡呢?

或者入㴝準備生既人,大多都在忍痛中,所以冇氣講多句。

但願如此。

當意識到你我有階級之分,有富貴與貧窮之分別,“我唔想同你講咁多,因為你係大陸人,我唔會同你一般見識。” “你呢種人冇文化,同你講多兩句都sigh 氣,自己顧自己最好” ,一條隱形既界線就咁產生。

我唔知道點解有啲人同住幾日都唔溝通半句,但如果自覺與人不同,一條將自己與人群分隔既線就會被劃出來。分開你既並唔係人地,係你自己。

天主講愛,要傳揚福音,分享你既愛。不論你係猶太人定外邦人,受割禮與否,只要接受天主,就成為佢既兒女,分享神既產業。我問自己,雖然我已受洗,但我係佢既子女嗎?自己顧自己既行為,天主睇到又會有咩反應?

新移民佢地住屋村,絕對談不上有錢人,但佢地會傾下計,關心同交流既行為;比其他似付擁有更多資源既香港人,更懂得分享同愛既好處。

我真係好慚愧,我絕對唔係有錢,但唔會餓死,仍然能夠選擇自己喜愛的生活方式;談不上優越生活,但亦算擁有少少優勢,過些比較輕省的生活。可是,我沒有選擇分享、付出,反而怕失去而變得自我保護。

如果,好生活令我變得更自私和狹窄,我實在太愚蠢,也犯了致命的錯誤,因為我太驕傲了。

以為擁有最好的,誰不知是腐爛的開始;以為一無所有,卻原來是苦難的終結。

驕傲既人進不了天國的。聖經話,“凡為保存生命,必要喪失生命。” “原來已有的,還要他更多;原本沒有的,都要從他手中奪去。”

每日都學人睇聖經,但我沒有做到。
Posted by martharita on 15.2012   0 comments   0 trackback
Category :5星級的家

入院 4

其實都慶幸自己遭遇。我見到唔少產婦就㴝要生所以入院。於是佢地要經歴一段段可能維持起碼一天一夜既痛楚。由隱隱作痛,直到連食同行都唔得,只能躺在床上忍受一浪浪而無可避免的陣痛......見了佢地咁辛苦,姑娘同姐姐仲㴝催你,叫你執野換衫,仲話 “拿拿林” ,又問你有冇帶衞生巾,大佬,連行動都有問題,點自己著衫除衫呀?

不過都唔係所有人都係咁,有啲都幾nice。

生產,係一個女人最脆弱既時候。因為身心俱疲,最慘身不由己。由細到大,我地都被教導尊重自己,但最需要援守同協助時,你最依賴既人竟然又唔能夠喺你身邊.,...反而要睇人面色,因為已經痛到連丁點想反駁既力氣都冇,就算你好扯火,都不由得已。如果呢個時間受到無禮貌對待,真係少少野都令人崩潰的!

更諷刺既係呢個時間好多人介入你既生活,對你所做既決定指指點點,喺你最唔能夠反駁時挑戰你既底線。即係你最軟弱時反而要變得最堅強,最硬淨!主呀,這個是什麼玩笑呀?
Posted by martharita on 13.2012   0 comments   0 trackback
Category :5星級的家

入院 3:愛裏沒有惧怕

今日係第三日。住喺呢度既人都轉了很多次,有的快要生了,進來先觀察,不到廿四小時就坐輪倚去生仔了;有些則身體不適,穩陣起見留院觀察,沒什麼事兩三天就出院了。我在這裏才三天,但已有種 “舊人” 的感覺了。

剛才迪表姐來探望,分享了一些分娩後的事情。例如傷口護理,照顧阿b事情等等...聽聽埋埋,每件都好似係小事,不過一次過面對咁多 “小事” ,仲要豪無經驗,都咪話唔驚。老公㴝睇我,馬上同佢分享,其實我地兩個都係新手,又點會唔驚?

**********
沖涼時望住自己個肚,不經不覺同阿b 走到㴝呢步,仲有一個星期唔夠,佢唔再lei 喺我個肚入面,就要出㴝見世面啦!諗到佢出世,我地要面對好多新轉變,我同老公都好驚。因為我地怕照顧得佢唔好,唔想佢有事。因為我地係佢父母喔!梗係想佢健健康康,希望佢領受到最好既野。萬一我地有咩做得唔好,有咩影響到佢,係絕對唔想發生!

諗到呢份關心,其實係一份愛。一個轉念,馬上提醒自己要有正能量喔!阿b 㴝到世上,學習的第一份功課竟然是恐惧?這個絕對不是我要的!

bb是天主給我們的禮物,我們會因為收禮物而焦慮和擔心嗎?提醒自己,怎可以對衪失去信心呢?難道為自己籌謀打算就會更好嗎?

他是我們倆獨一無異的禮物,這份禮物即將降臨於世,而且來到我們的家,成為我家成員,我的心就高興得快要溶掉了,開心都㴝唔切啦!

愛裏沒有惧怕,原來是真的。

阿b 喔,這幾天你就努力的在我肚裏休息、增肥。到了下星期三,你便會開開心心,健康平安的在我肚裏走出來了。那時候我們一家三口,爸爸媽媽歡歡喜喜的迎接你來到這個世上和回家,我們以後一起生活,一起學習,一起建立我們的家庭。


給你準備了,我們期待地迎接你喔!
Posted by martharita on 12.2012   0 comments   0 trackback
Category :5星級的家

入院2

尋晚凌晨有兩個大肚婆作動,佢地已經痛左成日,一個十二點幾已經咦咦呀呀,兩點幾就執野生仔,接住另一個又係,四點另執埋野生仔,之後先有覺好瞓。到七點幾又有阿姐叫醒量血壓,chk 心跳,七點半食碗塞米粥同麥包做早餐,之後坐到而家。九點醫生巡完房,佢喺我個folder 度寫左好多野,人奇怪既係,佢都未問我咩事,佢喺度狂寫,寫啲乜呢?如果佢喺我排版抄野過去,點解唔係一早抄好,要喺我面前寫寫寫呢?佢只係簡單問我幾句,就走開了。

涼又要排隊沖,成層樓竟然share 1 bathroom, 因為另一格壞了 ...,所以沖涼要變得極速,出面大把人等緊喔!食飯口味也是清淡的...

i ask myself, wat am i doing here?


今日早餐:正飯,正菜,正肉

ps: 昨天才認識的大肚婆,她們漏夜生仔離開病房後,凌晨4點有人來執床,5點多已經有 “新血” 加入,兩張吉床很快又被填補了。

*********************

到了中午十二時,又到探訪時間。搭正十二時,各孕婦的家人都準時來到床邊。各人都帶備各式食物,有位更帶了pizza 和意粉,又自備湯水;有的準備了麥當勞,非常豐富!對著醫院的午餐,真的有點羨慕吃pizza的那位呢!


午餐要算是一整天最豐富,因為有湯。幸好我不算揀飲擇食的人。在此情況下,單求不用空著肚子,已經很好了。

第二天開始比昨天適應了。起碼開始得調節時間,讓自己的生活舒適一點。感謝老公幫我差電,我又alive 啦!馬上上網聽歌、拍照,希望盡量將點滴記錄下來。

一邊聽歌,一邊看書,其實咁樣靜靜地都幾ok 呀!

到了晚上十時半,姐姐要關燈了。大部分人即使睡了一整天,還是盡量倒頭大睡。


我開了床頭燈,聽著online radio,跟你說晚安了
Posted by martharita on 11.2012   0 comments   0 trackback
Category :5星級的家

入院

今天第一天入了聯合,原約定十點鐘入,不過待在這裡一個星期,我想輕輕鬆鬆的的進來。醒來後吃過喜愛的早餐,大約十一點多在老公的陪同下來到這裡。

到埗後先登記,按指示上4B病房。原來所有人都須在病房門外等候,然後按門鈴通知姑娘開門,非探病時間時只有登記的產婦才能進去。姑娘放我進去後有點兇巴巴的問我為什麼遲到了我只有說不舒服吧!進來以後姑娘給我登記,磅重量血壓留小便。姑娘聽過bb心跳後, 我便跟姐姐到病房,換“制服”,安置自己後剛好到探病時間,看見老公跟在其他人後面排隊進來登記,我們聊了一會,姑娘又來跟bb 量心跳,她還有點惡的問我為什麼拿走量血壓的帶。


姑娘把這機器縛在肚上,將bb 的心跳聲放大,聽到發發聲,又給我一個像相機閃光燈搖控,bb郁動時就按一按,跟著便走開了。

姑娘走開後,老公馬上進來了,我們聊了一會後,他便要上班去了。


機器還縛在肚皮上,那時才入院不夠三十分鐘,還覺得一切很新鮮,樣子多得chik。


感謝主!衪替我安排了窗口位置,近光讓人平安!


房間住了六個產婦,兩位是內地的,幸好她們都正正常常的,說話都斯文。另一位媽媽則非常愛說話,像停不了似的。聽到她bilibala 的不停說話,都挺累的。有時候真的只想安靜的休息一會兒喔。

到了下午,尤其是經過一輪疲勞轟炸,不止有點悶,還有點睏。


到了5:30,原來已經是晚飯時間:

就這樣兩餸一飯,連湯都沒有...難怪媽說要給我送飯了。我一向吃得慢,不到三十分鐘,姐姐便來收飯了,可是我還沒有吃完,馬上扒飯,唉,連吃的都得趕頭趕命的

姐姐走了,那些飯餸還沒有送走。
Posted by martharita on 10.2012   0 comments   0 trackback
Category :5星級的家

Make Mania Data Pencil Gel Eyeliner + Clinique Quickliner for Eye Intense

近期好流行貓眼,有大貓眼,細貓眼,適合唔場合用。利用眼線描繪多樣唔同變化既貓眼,對於我呢d眼細又單眼皮既人,實在係一個福音!

近期行sasa畀我發現到佢,Make Mania Data Pencil Gel Eyeliner!其實呢隻貨賣左好耐,只係我之前一直冇留意,我第一次用佢時已經愛不惜手,到我想寫下佢時,先發現網上關於佢既review已經唔少,中英皆有。不過我嘗試搵返佢原廠website,可能係日文啦,抱歉搵極都搵唔到,所以有關佢既資料唔多。呢隻眼線只有兩隻色,就係啡同黑。通常我都只係是但買一隻色,好少同一牌子兩隻色都會買曬。我係用左黑色之後,發覺佢真係好好用,之後先返轉頭買埋佢既啡色,襯返我隻MJ啡色睫毛膏。



其實我係被佢既包裝吸引,佢既設計就好似50年代果d pin up女郎咁。我最鍾意5、60年代果種glamourous華麗既感覺,佢個公仔都好似好熱情奔放咁,睇到都開心。

咁啱有tester試上手,咦,一查就好上手,唔會cake住cake住,隔左一陣d顏色仲stay喺度,唔似一般pencil eyeliner擦兩擦就甩。對於我呢d眼油多既人,要眼線long lasting,只有用gel liner或者部分liquid eyeliner先做到。所以呢隻產品初步試喺手既效果真係令我有d喜出望外。


帶佢返屋企再試用幾日,果然冇令我失望,效果持久。用左成日,佢都會仲係一條線咁痴喺隻眼度,唔會有溶化既情況出現,而且就係好似一般上pencil eyeliner咁,用法非常方便。但係,呢個世界唔會有完美,所以呢個產品亦冇例外。就係佢既筆芯只有出,不能入。即係你畫完之後,支芯係唔會縮返入去架!用既時候要留意呢點。否則,伸得太長時,要閂返個蓋就真係唔容易!我更試過伸得太多唔知,閂蓋時唔小心整斷左!心痛!


我畫左啡色眼線,因為偏幼,希望睇落自然d。


呢個係黑色眼線,睇落真係好似用左Gel liner咁,好黑同好實﹕


其實除左呢兩隻,我仲有一隻眼線筆非常想介紹!就係Clinique既Quickliner for Eye Intense。佢有幾隻顏色。



我揀選左呢隻紫藍色,因為畫左佢之後,我覺得對眼好似變得大左d,就好似戴左大眼仔咁!唔係隻眼珠大左,而係雙眼馬上有神!畫左佢之後,仲有大約30秒時間畀你blend開佢,可以用黎打底做smokey eyes效果,如果唔需要,等一陣乾左,就會變成眼線,好易用,易畫。最正係佢好易落妝,但又唔易溶!基本上都可以stay全日,請記住,我係眼油超多既人!佢既唯一唔好處,同上面兩支一樣,都係只有伸出,唔可以縮入去,所以伸出黎用時要小心。


哈哈,嫌我眼皮太厚,睇得唔清楚既朋友,以下就係佢地既顏色﹕

Posted by martharita on 08.2012   0 comments   0 trackback
Category :Guilty Pleasures
 

Profile

一個徹底的白羊人。做事憑一股衝勁,接著後勁不繼,即朋友說的3分鐘熱度。怎麼說好呢﹖


即使只有3分鐘熱度,也學習如何好好發揮,成為最漂亮的永恆。

martharita

Author:martharita
事事有時節,天下任何事皆有定時: 生有時,死有時,栽種有時,拔除栽種的亦有時; 殺戮有時,治療有時,拆毀有時,建築有時; 哭有時,笑有時,哀悼有時,舞蹈有時; 拋石有時,堆石有時;擁抱有時,戒避擁抱亦有時; 尋找有時,遺失有時;保存有時,捨棄有時; 撕裂有時,縫綴有時;緘默有時,言談有時, 愛慕有時,憎恨有時;作戰有時,和睦有時。

事事有天主安排。

傾下計啦!

    カウンター

Welcome on board

Lilypie Third Birthday tickers

Since 2008 Jan

Monthly Archive

上記広告は1ヶ月以上更新のないブログに表示されています。新しい記事を書くことで広告を消せます。