スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。
Posted by martharita on --.--
Category :スポンサー広告

原本開心既一件事,變成壞事。

星期五拎左半日假,跟住放weekend,覺得好似放左好耐咁。真係好輕鬆。

前幾日朋友A子上黎,佢話覺得間屋少左D意。我一直都覺,不過總係驚打理盤栽好麻煩,我最驚係種死左D植物,好似對唔住佢地咁,仲有我會畀人笑成世。所以遲遲都未買植物喺屋企。難得尋日一個人,終於的起心肝買幾盤易種既返黎。

尋日天文台話黃雨,但我所到之處,一滴雨都冇落過,一向唔帶遮出街既我就拎住把遮周圍走。但係,我好開心,感覺到時間行得好慢,對我黎講,果個彷彿先係時間既真正速度。平時返工果d係畀人較快左,就好似人地較快鐘個咁,成日活喺時間前面,其實自己都唔知自己追緊乜。


佢地三個就同我一齊返屋企啦!


成8點幾先返屋企,安頓左林三友之後,一直好想焗飯既我打算去日本城之類商店搵焗碟,可惜大部分都係玻璃製,仲要係個邊困曬花邊果隻,最後就變左煮茄汁意粉。好好味^^。好想影左相,可惜真係冇乜賣相,開開心心食完就算了。

癮頭都今日都仲未熄滅,我又如火如荼決定出城睇下有冇焗碟買。因為知道CWB遊行,所以轉移陣地去太古城,呢D「高尚人」出入地方,我唔信買唔到焗碟!

最後真係買唔到。估唔到,吉之島、APITA呢類日式百貨竟然只係賣玻璃碟!無印有比較啱心水款色,但手掌咁大都要90大洋!尤其是之前經過IKEA,明明幾十蚊已經交易,我接受唔到咯!最後去埋永ON,OMG,佢賣D款,或者係太「高級」啩,佢寫住made in England, 但花li花look咁款,我真係唔知人咁desperate會買呢個款!

於是又無功而還。原本好想call佢話不如出街食!因為,買唔到焗碟,好氣妥!而且某人肯定好興奮,佢知道我煮野食,佢既反應只會係柴台同埋取笑,喺咁discouraging既情況底下,又點會有心機煮﹖

然後又諗返起A子話,記住要煮呀!之前同佢一齊買左幾本食譜,當時佢係咁同我講。而且,我真係好想煮,所以最後買埋送返去。

我知道佢唔鍾意食D古靈精怪既野,所以一心諗住整個蛋包飯,呢D細路仔食物一向深得佢心。再加多個之前喺網站睇到既味曾湯都好似幾易整,所以就買左幾樣材料返去。

大汗搭細汗咁終於整完啦!

蛋包飯,賣相ok架!


雜味曾湯。係淡左d既,唔夠魚味。但味都好濃下。被訕笑為「洗水」。

睇落個presentation都ok丫!諗住等佢讚時,佢第一句說話﹕

「點解d飯縮既﹖」
「冇理由架,d飯飯啱啱先煮,點會縮架﹖」

兩條友輪流吼個頭埋d飯聞一聞。

「應該係茄汁呀!」

「唔似茄汗喎!」

我已經唔想再同佢講啦。因為我知道佢根本唔想我煮野食。我都知我煮得唔好,不過人大左,總不能餐餐出外解決,又或者喺人地屋企食飯咯!最重要係,我真係好想自己煮好一餐飯。我覺得煮飯重要過洗衫拖地。

我覺得好hurt。今次之後,我覺得所做一切,有d野,永遠係唔會有人欣賞。我都慣左,從來唔期望他人有任何表示。不過,一個同自己咁親密既人,覺得喺呢d時候,永遠都要表示支持同贊同啦!

但好可惜,一直以黎,大部分時間我地都係持相反意見。雖然叫組織家庭,但係,我地好少野會一致。永遠都係佢總有唔滿意既地方。

有時,我覺得關唔關佢屋企事呢﹖做任何野,換黎既聲音都係「你做得唔夠好」「你咁做唔啱」。

雖然呢d聲音背後原因係﹕「我為你好。」

但係人都知,成日講負面野,呢套唔work啦!

*********

我仍然會造飯。

煮得唔好,我仍然會繼續煮。煮到好食為止。我要造最好既一餐飯畀自己食。

スポンサーサイト
Posted by martharita on 30.2010   1 comments   0 trackback
Category :C9生活

唐山大地震

尋日終於的起心肝睇左《唐山大地震》。

之前聽朋友講,睇呢套戲時,會聽到成個戲院都係時絲CHER CHER既聲音。哇!我最驚就係呢D催淚電影啦!但係作為中國人,又覺得唔睇中國電影又好似有D那個,而且又係熟識的橋段,應該都可以應付啩!

就係抱住少少忐忑不安既心情下進場......

原本做足心理準備,但係唔駛幾分鐘,已經地震啦!效果好迫真,我諗到真係地震,情況可能差不多。成套電影我唔會講太多,全套戲最催淚既,並唔係橋段,而係演員!每次要我流眼淚的,並不是讓人震撼的畫面,或是悲天憫人的劇情,而是飾演媽媽的內地演員徐帆。每次她叫得聲斯力歇,呼天搶地,喊得死去活來,差點要昏過去似的,又或者是陰柔輕聲的,每個字卻是倔強不別扭,那種委屈,對生命無奈卻苦澀的味道,相信她的演出絕對令在場每一位觀眾動容。徐帆真的太出色!


還有陳道明,他演一位中共黨員,也是主角的後父。他既思想開明,可是對著女兒還是十分痛錫,不過卻不是縱容。我和D都把他的「管教方法」看在眼裏,心想那是多麼難做到!

令我印象最深刻的,當然是重現唐山大地震那段戲,不消幾分鐘,大地崩裂,樓房倒的倒,往地下中心塌下去。原本以為住在穩固樓房的人,當時也可能在睡夢中不知不覺的被石泥扯下去。那時已經天翻地裂,人在路面上都走不穩,並隨時有建築物倒下把人壓死。媽媽知道兒女還在屋內,發了瘋的往屋裏跑,不顧一切的要救她一雙小兒女。當時我想,每位為人父母的,都必定對這幕感同身受吧﹖當時心急如焚,即使拼了自己的命,都要救自己的兒女。

鏡頭一轉便是小兒女如夢初醒,被地震震醒了。醒來後發現爸爸媽媽不在身旁,四周圍又危機四伏,很自然的感到惶恐,又不知所惜,只能夠大聲喊著「爸爸!媽媽!」希望他們聽到後馬上來救自己。這種感覺,我想每個人小時候總會遇上吧﹖走在街上和媽媽走散了,舉目都是不認識的人,只跟你擦肩而過,那種慌忙失措,徬徨無助的感覺,大家都不會感到陌生。

坐在觀眾席安然無恙的我,替劇中父母焦急,也為那雙小兒女感到害怕。可是,真的發生在當時的唐山,那些真實的父母,那些真實的小孩子,遇上這種空前的災難,他們當時又是怎樣心情呢﹖想到這裏,我不禁感到絲絲寒意,還替無辜喪失的生命感到可惜。


為人父母的,尤其是中國人父母,特別疼自己的小孩子。為他們遮風避雨是理所當然的事。孩子遇上危險,做父母的必拼了老命都要保住孩子。可是,面對這種百年一遇的災難,任憑你是總理的哪個親戚,要失去的,始終要走。做父母的,以為能為孩子擋風擋雨,希望他健康快樂成長。可是,人始終是人。做父母的,也不是救世者。很多時,我們還得承認,人,始終能力有限。孩子出事了,那個父母不擔心﹖不過,萬一他出事時,你真的不在身邊,怎辦﹖

原來,做父母的,其實是一份偉大的天職,僅此而已。孩子不屬於你,他是有自己的路,有自己的生命。考驗來到了,做父母當然替他籌算如何有更好的選擇,不過他還得自己面對。假如將來我有孩子,我就必定會告訴他,天上還有一位偉大的父。考驗來到時,有時候父母不在身邊,而他感到孤單無助,或者徬徨苦惱的時候,就向天上的父祈禱,衪必定會照顧和守候他。

最重要的是,不要害怕,因為他從不是孤單一個。
Posted by martharita on 16.2010   0 comments   0 trackback
Category :movies I want to watch

Over the rainbow...

今日7:38匆忙起床,啱啱去完豬豬,老公就叫﹕「快D出黎睇啦!」

我即刻沖出去睇下事,佢又沖返入房,去到窗口一睇﹕


我知佢要攞相機。

好快,大約5分鐘之後就消失了。

可惜,我連5分鐘都等唔到,只係間唔中望下﹕咦﹖仲喺度。咦﹖條尾呢﹖

香港人,你很可憐喔!
Posted by martharita on 12.2010   0 comments   0 trackback
Category :Pic of the day

無所事事

死啦,好似冇乜興趣UPDATE呢度...點算好?

其實我成日都想寫D野既,不過黎到呢度,而對空白一遍既欄位,又唔知寫好...

點算好?

Posted by martharita on 04.2010   2 comments   0 trackback
Category :無所事事
 

Profile

一個徹底的白羊人。做事憑一股衝勁,接著後勁不繼,即朋友說的3分鐘熱度。怎麼說好呢﹖


即使只有3分鐘熱度,也學習如何好好發揮,成為最漂亮的永恆。

martharita

Author:martharita
事事有時節,天下任何事皆有定時: 生有時,死有時,栽種有時,拔除栽種的亦有時; 殺戮有時,治療有時,拆毀有時,建築有時; 哭有時,笑有時,哀悼有時,舞蹈有時; 拋石有時,堆石有時;擁抱有時,戒避擁抱亦有時; 尋找有時,遺失有時;保存有時,捨棄有時; 撕裂有時,縫綴有時;緘默有時,言談有時, 愛慕有時,憎恨有時;作戰有時,和睦有時。

事事有天主安排。

傾下計啦!

    カウンター

Welcome on board

Lilypie Third Birthday tickers

Since 2008 Jan

Monthly Archive

上記広告は1ヶ月以上更新のないブログに表示されています。新しい記事を書くことで広告を消せます。