我們仨　五星級的家

噢！星期二完了第一堂課，是DMT, Dance and Movement Therapy.第一節都是理論課，老師在講台上按notes慢慢地解釋，心想﹕不是整課都這樣子嘛﹖那麼怎算DMT呢﹖跟PCA的不一樣啊。原來好戲在後頭，break過後，大家把椅子移到一邊後，便開始按老師指示做著動動起來！我們又跳又扭的，身體和四肢跟著節奏感甚強的中東音樂擺起來。最後以一些群舞作結，大家都跳得累了，當然包括我！wow，好在今天穿背心，跳到一半時我已汗流浹背了！回到家了，很累！四肢都彷彿沒有力了！

---

2008北京奧運又過左喇！有冇唔捨得呢﹖我有dd呀，返到去開電視，見到阿荷媽苦口婆心咁嘅樣，或者阿管家仔同阿于素秋拖拖拉拉咁，又真係中國女排球球擲地有聲咁，或者俊男美女高台跳水好睇好多。

女單ping pung 銅牌得主郭躍。

click下面看更多呀！

動機﹕ 想找刺激, 熱愛新奇, 探索新事物.

世界觀﹕ 覺得明天會更好

性格﹕ 善於交際. 有錢會大洗, 疏爽, 願請人. 喜歡玩的地方. 口才好, 以說笑去諷刺人. 愛最好的,名牌主義.
行為﹕ 什麼也接觸, 從而找出自己喜歡的, 變成專業. 把興趣/娛樂注入工作. 多色慾朋友, 可把不開心的場面變成開心的氣氛.


a)內向形 工作中找娛樂, 盡量自得其樂. 少找別人.
b)外向形 多說笑話, 愛傾計,娛樂

愛情﹕少許下承諾, 因怕自己不能實踐, 所以當許下承諾, 一定實踐。思想上花心. 愛挑戰別人極限. 為玩多點,會遲婚。自己最緊要的, 不可被管束, 最好不要管. 會理人感受

正面 革新, 樂觀, 狂熱, 機靈, 反應敏捷, 外向, 計劃者, 冒險

負面 膚淺. "識少少扮代表", 不夠專注力, 多玩, 理性失當.



附加資料，請click下面

一星期又過去了。

今個星期工作依然忙碌，因此得快馬加鞭！可是其實鞭鞭都發行了，速度remain unchanged。此情此刻除了給自己說一聲「同志仍需努力」，暫時也想不到其他東西了。

---

雖然公務繁重，不過老闆不在office的日子，氣氛還是輕鬆的。起碼沒有那種「要交貨」的壓力，自己的工作時間可以自己安排，這是最享受的。回想起來，也很久沒有這種沒有人催迫的日子了。感覺真好！

目前我的工作是聽錄音，然後打字。不算繁重，假如講者口齒不清，我就慘了！因為一粒字因此要重聽很多次才知道他/他說甚麼，然後又中又英的，中間亦可能涉及一些專業名詞，完全青不清說甚麼。而且長期對著電腦打字，肩膀和眼睛是很疲累的，有時也容易感到厭倦，或者因為疲而不專心，此是效率就更差了。

聽帶打字這項工作，有不少人都交給學生做，因為看似是很routine的工作，不用思考，聽到的打進去。可是其實自己卻挺喜歡的，初初是因為喜歡打字，不過今次因為受訪者不少都是VIP，一些沒有機會跟他們親身接觸的人物，因此這些訪問不止是重要的研究資料，當中也令我見識不少。因為他們來自不同界別，不同階層，因此同一條問題就反映出不同人物的視野和價值。更重要的是他們都是要人，因此意見在社會上具有一定分量；而我的工作竟然就是有機會聽到他們不是在official的環境下發表已見，其實真是一個長見聞的好機會。平時大家去sit堂，或者付錢聽seminar也是同一個意思。所以，我很高興自己有這個機會。

---

此外，這星期認識了一些新朋友。不論見識、修養，待人接物的態度都是有要求的人。但他們不是要求對方，而是要求自己。他們都是重原則的人，也不是隨隨便便在公眾場合大發偉論，表現自己身份。這個組織的人很活潑，團隊的人彷彿有很多正能量，靈魂人物更是任何時候都面帶笑容，自信滿滿的。我想，生命中能夠遇到這樣的人物，而且不是一位，而是幾位，他們各有特色，忠於自己，對我們更加是真誠分享，對我來說，實在太幸運，太感謝天主了。跟平時所見到的所謂領袖人物，企出來是perform，compete，我看得見他們的自信，成就和能力，可是，我感受到到connection，感受不到他們與我們是同步的，如果作為領袖，他們不能與他的團隊同步，不知道他們需要甚麼，那麼這是又是甚麼團隊﹖沒有團隊的領袖又是領袖嗎﹖

---

最後，想跟大家分享一下的是周初參加的drama therapy。正或來說，原來不是therapy，而是drama in clinical practice。這個practicum並有5個同學參加，初初大家作簡單的自我介紹，與及處理過行政事務後，戲肉郃正式開始了！當中玩了很多很多遊戲，起初我都有點尷尬，因為導師要求我們幻想面前有張紙，然後利用右手、左手、右腳、左腳，pat pat，還有頭部在這張紙上寫上自己名字，這個完全冇難度, right﹖難的是你要一邊寫，一邊大聲朗讀自己的名字，過程中即是會變成你邊似個傻婆在空氣中指手劃腳，然後更要像個巔婆一邊大聲說﹕陳~~~~~~~~~~~~~~~~~~~~~~~~~~~~~~~~大~~~~~~~~~~~~~~~~~~~~~~~文~~~~~~~~~~~~~~~~~~~~~~~~~~~~......大家都知道我的中文名字有多少筆劃，然後要按著筆劃大聲唸足這麼長...你可知道我第一感覺是甚麼﹖抗拒。不過我並沒有因尷尬而放棄，我跟自己說，自己不投入，我便甚麼都學不到了，因此即使起初不願意，也迫自己投入大聲叫，慢慢便漸入佳境，到後來發現自己愈來愈大膽嘗試新事物，心態也愈來愈開放。我覺得自己比以前輕鬆了，雖然只有一個多小時，對我來說卻真的起到therpeutic的效果！真的很神奇，我覺得自己可是滿載而歸！

今日會上第一次既drama therapy，開心。成日覺得做drama d人講野好字正腔圓，好羨慕！我最鍾意d人咬字清晰，徐緩有致，純粹聽佢講野都係一種享受！所以自己都好想能夠有呢個「能力」。除左內容之外，聲線、節奏等等其實都係同時間表達緊你想講嘅野，或者係你唔想講嘅野。我希望能夠有呢種能力，講野時能夠令對方感到舒服，咁我就好開心啦！

不過我好似講緊聲線訓練多d，希望唔係啦！做drama都可以變成therapy，唔知箇中係點樣呢﹖我真係好想知道！

「 發光原理」是白熾燈泡被禁用的最大原因，它主要是透過通電，利用電阻把鎢絲加熱至白熾，使燈絲發熱而發光，將大部分電能耗費成熱能，燈泡很容易發燙，造成室內冷氣空調負擔，耗電又容易燒壞。

省電燈泡和日光燈管的發光原理一樣，利用電子撞擊螢光粉產生亮光，但比較不消耗電熱能。不只如此，在亮度一樣的情形下，瓦特越小，代表越省電，而省電燈泡的瓦特數，比白熾燈泡小4.5~6倍。至於平均壽命，白熾燈泡大約1千小時，省電燈泡最低大約3千~6千小時以上。

省電燈泡發光效率可高達每瓦特7.2~9.0燭光，比白熾燈泡效率高6倍。

目前白熾燈泡仍被大量使用的原因，是因它具高演色性（顏色自然不失真）、光源色溫接近太陽光、調光的設計較容易、燈具組裝簡便輕巧等特性。但省電燈泡現在也有分白光（客廳）、自然光（書房、餐廳）、黃光（房間、浴室），可讓民眾有多種選擇，較傳統燈泡使用更有彈性，也有高演色性，唯一要注意是，電子產品怕潮濕，所以裝置在浴室內時，要有封閉式燈具保護才好。

LED燈的省電壽命更長，但屬發展中的技術，亮度不夠亮，價位比較高。

各國禁用白熾燈泡時程表

愛爾蘭：2009年初
澳洲：2010年
阿根廷：2010年
義大利：2010年
法國：宣稱2010年
英國：零售商2011年不再販售
荷蘭：2011年
台灣：2012年
加拿大：2012年
美國：2014年
中國大陸：2017年
咦﹖香港呢﹖

好攰呀！

日日打transcript，個膊頭真係酸曬！

尋日放左一日假，不過情況都冇乜改善，唔知點解呢﹖可能係同個枕頭有關係﹖因為我一起身，就成日都骨痛咁好慘呀！我真係好想快d脫離呢d周身骨痛嘅日子！幾時先會脫苦海呀﹖雖然有人話按摩可以幫助舒緩疲勞，但係都冇奶油而家就成日去按姐！咁樣樣按到幾時喎﹖

老細去左italia喇~~原以為鬆一口氣，不過做老細都唔容易，第一樣野要犧牲嘅就係你嘅私人時間，即包括你放假enjoy holiday嘅時間咯！星期一一返到去就見接二連三嘅email，仲勤力過我喺香港呀！差不多兩三日就收到幾個！第一個感覺係真係好驚﹕真係唔懶得！第二個諗法係﹕放假就放假啦！仲做野姐！

---

因為長期打字，有次d手指好似唔聽使咁，我怕會好似某個舊同事出現勞損，佢要帶住d手cool先可以返工，我真係唔想好似咁。所以想搵個keyboard手枕，不過見到嘅都係好似腦場見到果d灰灰藍藍一舊cushion咁。其實我自己就想搵個好似樣衰阿闊果d，好似一個長長布袋咁攤喺個寫字枱度。以前我唔明白點解d文具要咁「精美」，寫到字寫到野咪得咯，原來一d得意design的確可以為沉悶嘅工作帶來少少樂趣，見到d低低能能嘅野，悶悶地笑下都好。

---

人在做天在看！呢句野大家耳熟能詳啦！尋晚又出現喇！可能TVB食過翻尋味啦，阿詩姐真係集集都鬧人鬧到大條道理，然後自己又仆心仆命咁為左頭家or為左維護佢認同嘅真理！真係好耐都冇睇呢d咁司奶嘅劇喇！最恐怖嘅係，我想追呀！你知喇，我一向都追日劇之嘛，點會而家竟然連人在做天在看都想追黎睇呢﹖我估係我太無聊了。



不過有時無聊下都好嘅，以前細細個都係咁樣架喇，真情呀，TVB D劇睇完一套又一套，真係令人懷念。通常大家大細圍喺電視前面，個口就食飯食送，個腦就撈電視汁，回味無窮呀！不過到左九十年代，TVB D劇都開始跟日劇嘅題材同拍攝手法，愈趨生活化，因為當時D人認為大眾對「豪門恩怨」式嘅劇種已經厭倦，事實上而家又古老當時興，金枝欲孽同家好月圓呢D同以前果D又有分別呢﹖

高溫灼熱你心！青春正在燙滾！oh yeah~~~~~~~~~~~~

yeah~~~中一升中二的暑假，我就因為《BEYOND放暑假》而喜歡BEYOND了！我喜歡BEYOND不是因為他們靚仔(其實他們都不怎麼靚仔喇！)，起初當然覺得他們很搞笑，而且節目對當時的我娛樂性的確十分豐富！那時一星期差不多有兩天出外打波，回家沖涼吃過晚飯便看《BEYOND放暑假》了，一星期只有一集，的確令我等到頸都長！不過，那個暑假就這樣輕輕鬆鬆不知不覺得放完了！勁開心！

好野梗公諸同好！快D click 【続きを読む】 睇下啦！

I love BEYOND!

Beyond was interviewed in an English programme and they spoke in English to introduce their songs. Don't forget they do not speak good English as Ka Kui even doesn't know how to pronounce "Mariah Carey"...


The first song were some very old songs they made before they became popular. The second one, you should know what it is if you are/were fans of them :)

好笑！不得不貼！

除左靚靚，身體健康都好緊要架！
記得阿d之前成日話佢胃酸倒流，咁啱睇到呢個資訊，你記住睇呀！

《東方日報醫健寶庫》：胃酸倒流易有腸易激綜合症

想睇多d關於健康野，請click呢度，謝謝。

---

打風呀！雖然未有話掛更高風球，但尋日離開office時已感到陣陣強風，仲有種味道，好似即蛋有大事發生咁！嗅到呢種味道，配合埋強風，我竟然興奮起來！「哇！好大風呀！好興奮呀！係咪有野要發生咁呀﹖好唔好玩架﹖」冇錯，興奮，因有所期待，期待的是「好唔好玩架﹖」。哈哈，之後我暗暗地想，究竟我係咪好事之徒呢﹖點解我會咁呢﹖

今早返工時都大風的，見到個海都吹到灰濛濛咁，仲有幾滴雨。不過覺得咁樣反而有d輕鬆涼快感，總好過前幾日ai焗悶熱，真令人辛苦！

---

部落格更新﹕
飲食男女新3條link﹕
-美食部落
-美食部落格聯播
-簡易食譜

我要靚靚新2條link﹕
-Smart Skincare
-使用心得資料庫

想知多d自己查緊乜，同埋人地查成點，check 下啦！

---

好靚呀！今期non-no又出左喇！

好佩服d架仔夠膽用呢隻色做封面，仲要係大大塊紫色咁達左喺度！一睇就畀佢吸引左喇！仲要姣婆紫襯埋隻姣婆桃紅，仲要有埋隻黃色好似金光閃閃咁，喺香港好少見到雜誌會咁用。而家d香港雜誌十本有八本都扮架誌，連影相風格都似埋佢地，雖然係好靚，但有時都覺得幾時先有自己風格﹖


今期介紹入秋新出化妝品，哇！見到真係汗呀！如果要買曬佢，真係買到手軟呀！不過五花八門五彩繽紛咁啵！又真係好吸引人嘅

成個8月都冇公眾假期！灰！

網誌排行榜竟然連數目字都冇！睇怕都跌出左2000名以外！

---

今日繼續打transcript，雖則聽到唔同階層人士意見係件好事，但要將語言幻化成文字原來係件難度達10.00嘅事！我相信皆因大家冇受過正式語言訓練，於是講野講到一舊舊，語音不清，前後矛盾，然後冇point，我執佢地口水尾真係執得好辛苦！然後有d人又中又英，wow，聽講攠d仲有d唔咸唔淡嘅廣東話啦，即係地好似北姑咁，又或者突然飛個可以用中文寫出黎嘅英文！

老細，我都想快呀！但係，真係快唔到。

---

year 2嘅時間表出左喇！yeah︿今年我會揀Drama, Dance and Movement Therapy.去年試過一個有關dance and movement therapy嘅tutorial，我覺得呢個therapy似乎好啱我。以前我相信表達係要用語言同文字，辭不達意就諗過點講啦！但原來我地嘅身體其實好聰明，因為我地唔識用口講，佢會自動波表達返畀我地聽。譬如我地呼吸急速，淺，係因為我地太緊張。通常我地會mentally叫自己唔好咁緊張，然後讓身體跟隨思想放鬆。不過其實可以到返轉，下次你心跳急速時，就讓個身體跟隨一秒一秒一秒種咁運動，你唔駛諗去左好靚花園見到彩虹，你只要將個身體調節，咁樣，你個人，包括你既情緒都會影響埋。同埋有時叫你慢落黎一秒秒咁郁原來一d都唔易，咁我先發現原來自己一直都係咁心急，個身體一直咁緊。

剛過去的星期很忙碌，因為公事開始繁忙起來，工作接著一件又一件，自己就似機器人一樣，要勁做，為了盡快達標，交貨！唔拖！但係，過程膊頭有點痛，因為打字打得多，做完一個job就尺尺痛。

不過其實都好開心，因為有機會接觸到平時唔會接觸嘅野，聽下一d自己生活圈子以外嘅人發表高見，其實自己都有錢袋入袋，雖然唔係咁直接。但係我覺得呢d野我可以當係「只不過係工作」，但係其實我係唔係都要做，咁點解唔留心d，唔細心d聽下人講，點解人地會咁樣諗到﹖佢講或者提意呢d野，其實背後有agenda呢﹖佢想表達嘅係咪係佢講果d野度已經表達曬呢﹖

我當呢d係d訓練。平時大家見到面一係講自己野，一係打個招呼同拜拜，真正「講野」嘅機會真係唔多。所以而家有呢個機會要學習。

---

今日阿媽突然話要睇表演，細佬夾過有飛賣，我同媽阿去文化中心睇表演喇。估唔到，原來琵琶同簫或笛嘅音色係咁聽，更加估唔到配合鋼琴同鐵片琴可以有令人舒暢嘅效果。我喜歡今次演出嘅音樂。阿媽睇得好開心。

今次係阿媽主動話要去聽，其實細佬事前邀請過阿媽，但佢份人永遠唔會正面回答你嘅問題，一係支吾以對，一係用問題答返你嘅問題。

我知道媽成日話我唔陪佢，咁又真嘅，有時就算我喺屋企，都唔代表我地兩個人喺一齊，因為個心最緊要。我知道就算我人在家，其實我個心咪又喺度諗自己野，都冇「陪」佢，所以佢今次話要去睇，我覺得我應該要同佢去。

---

細佬去完旅行返黎，佢地覺得好好玩。都慶幸佢地平安歸來，我地一齊落茶餐廳食T，之後仲一齊行左街，開心。

今日就係咁平平安安又過左喇！

感謝天主。

just newly added- wind chimes---------->

I like the sound of wind chimes, so refreshing and calming. I bought one last summer but I did not put it up. Chinese believe that wind chimes is something not good for people as the sound may attract some visitors that you would not happy to meet.

I'll put it here instead :)

Wind chime is a popular stuff among Japanese families, I suppose, especially in summer.

---

愛美的朋友相信聽過離子機吧﹖它是一些美容儀器，利用電流正、負二極的原理，通過輕量的電流導出皮膚污垢及引入有益的護膚品。早幾年前已經聽過這種神奇的東西，知道TST的某商場發售。不過售價要二千多元，不敢輕舉妄動！

因為機器都是日本引入的，令我對日本美容科技感到嘆為觀止！後來在網路上見到有幾百元交易的大陸版，又因為太便宜，更加不敢買來試！而且看圖片似很兒戲的，爛面了就更不堪設想！

後來，曾經在金鐘地鐵站某健康用品店與這種機器再相遇，那時我又再猶豫了，價錢仍然二千多，那一次我真的很想買！但始終很少談論，我對該產品原理、運用等不熟識，又是驚鴻一「別」！之後有時我都暗暗地後悔為甚麼沒有買來試試看﹖

今次終於讓我又遇上它了！它以不同樣貌和形式在我眼前出現，對我來說可算是「舊相識」了。當朋友介紹我時，我心裏其實已經有九成想要它了！

很快我就能帶它回家了！希望到時能夠以靚靚皮膚與大家見面！YEAH~

---

不少人說抗氧化抗氧化，吃能抗氧化的食物，用要挑抗氧化的產品，大家可知道為甚麼抗氧化對我們那麼重要﹖

這是基於游離子(free-radical)的理論。游離子聽過了吧﹖游離子是令我們皮膚老化一個因素，它是一燈或一組擁有單數數目電子的細胞。當氧氣跟某些細胞產生化學作用時，游離子細胞便會產生。這些游離子是可惡的游擊手，因為它們會攻擊正常的細胞，讓擁有成雙電子的變成單隻，於是這些失意或者失去「另一半」的細胞又會變成第三者攻擊其他原好無缺的細胞。連鎖反應下，我們的皮膚因此加速老化，因此抗氧化意思就是給這些形單隻影的朋友找另一半，讓單身的第三者變回快快樂樂的健康細胞，那麼我們看上去也水水潤潤的，漂亮美麗啊！

如何抗氧化呢﹖多吃水果和蔬菜，由其是擁有豐富的維他命C和E的。它們能夠與這些「單身」細胞互動溝通，獻出自己的另一半成全我們體內可憐的「單身」細胞，讓她們不再孤單，不再搞岔他人的美好關係，組織自己完美的家庭，在這種正常的環境下，我們就能變得更美麗喔！

資料來源﹕
Understanding Free Radicals and Antioxidants
Wikipedia - Free-radical theory