スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。
Posted by martharita on --.--
Category :スポンサー広告

就黎返學啦

幼稚園已經塵埃落定啦。我地打算返屋企附近既屋村學校。過年前去交文件,遇上小朋友玩年宵。

我地一去到counter, 佢見到果邊好熱鬧,即刻行埋去睇,一睇就不得了啦。原來所有小朋友都著到令令咁行年宵。阿仔原本企定定,睇到實一實,突然佢又趨前一步,又停落黎,我估佢梗係好想玩了,但又唔知咩事,所以先唔敢行埋去咯^^

我企佢後面,見到佢呢個睇到定曬既樣,完全旁若無人咁,就覺得有d感觸。到佢返學,我就會愈黎愈多後面睇佢既機會。再唔係行佢前面帶領佢,或者行佢隔離,一齊認識世界。佢遇到既事、人都係我將會感覺愈來愈陌生,佢有佢自己認識世界既方法同感受,我係無所參與、干擾的,最多是企佢後面,同佢打氣同默默祝福,希望佢健康快樂,心想事成。如果有咩唔開心,返轉頭阿媽就喺度(淚)。

不過d後生好衰的,佢實話我企佢後面監視佢,又話我唔信佢乜乜物的╰_╯ 。因為我當年都係咁同阿媽講咯~~~`(*^﹏^*)′


スポンサーサイト
Posted by martharita on 08.2015   0 comments   0 trackback
Category :Algogogogo
Tag :BB24個月 幼稚園

學校

其實我都好緊張。

今日小一派位,唔少人在fb發布好消息,"阿仔阿女好好彩,第一輪就中左啦!真係好開心。"

我個仔連k1都未入學,我就已經好擔心了。因為家住將軍澳,好驚佢派位唔好,影響左佢將來。將來唔知讀左乜乜乜奇怪學校,變成平傭青年庸碌咁過一生係我最擔心,亦最唔想發生。

呢種係咪都係望子成龍既諗法呢?我以為我冇,其實我都好重。我有能力,我真係會推佢去名校,喇沙男拔果d,因為以前識既朋友仔係呢d。自己個仔唔係天才,都搏有少少學校名氣罩住,或者可以搏到些什麼。

而家我冇返工,錢少左,男拔呢d直資學校已經唔駛諗,喇沙呢d又話講世襲,兩者機會似乎好渺茫。

我唔想佢讀本區中學,出曬名渣。就算地區名校,拍埋人地度個勢都冇左。




睇fb見到唔少同學好似做緊唔錯職位,我唔恨佢地成就,見到佢地全部變曬惡婆那個樣就不禁倒抽一口涼氣; 倒是羨慕佢地收入,小孩有咩e郁,都support到間直資頂住。我好驚bb連呢個機會都冇。
Posted by martharita on 25.2014   0 comments   0 trackback
Category :Algogogogo

BB商場聖誕相

Ho-ho-ho!!! 仲有幾日就係聖誕節啦!大家心情係咪好興奮呢﹖

坦白講啦,愈黎愈近聖誕節,我既心情就愈有D失落啦!

就好似人地話兩個人拍拖果時唔係最開心,曖曖昧昧時候先最過癮!就係果種心情咯,你地明白嗎﹖

即係有所期待,果時先最開心,因為我會無限幻想到時有咩節目呀、去邊度玩呀,同邊個一齊呀,做D乜東東咁。到時候過左節咯,諗黎都SIGH氣啦

哈哈,呢個係我每年必有既心情起落。不過唔緊要啦,今年有gogo陪我,有d咩玩都唔緊要啦

喺香港,每到大時大節,商場例必搞下大龍鳳製造(購物)氣氛。以前既我對呢d野一向不悄一顧。不過今年唔同啦,我地屋企多左個新人類,佢黎到呢個世界上,咩都未見過!所以要同佢去下呢d地方,順便留影。以證佢到此一遊,見下世面嘛



哈哈,唔知佢係咪專登擺pose呢﹖同親佢影相,佢例必張開口的,呢度張張相都係張大個口既standard pose黎架

其實我都唔係同佢去好多,只不過咁啱經過商場,咪影返幾張留念咯。老公原本仲話帶佢去影燈飾,到而家咪又係坐喺屋企邊度都冇去,最多都係我每日帶bb去屋企樓下公園玩咋。

BB, 唔知幾時你先有得去睇燈飾呢﹖
Posted by martharita on 21.2013   0 comments   0 trackback
Category :Algogogogo

成長片段

BB大得好快,轉眼間已經由一舊飯變成會行會走會叫會喊會發皮四既人仔。仲記得當初兩公婆湊到人都巔,聽到BB喊聲馬上如臨大敵到今日鬆容不迫,甚至有閒情拎起手機影低佢D喊樣做留念,過程都只不過一年唔夠。

呢個月有唔少人生B,哈哈,聽到佢地BB面世既消息,少不免諗返當日我地兩公婆又係以點既心情去面對呢個人生裏面既第一個咁嚴峻既挑戰,但亦係我呢世人最有滿足感既事情。

HEHE,我真心覺得佢好得意!

今日有時間行左APM一陣。平時既我對於商場裝潢一向都冇乜興趣,但做左C9之後,唔單止身體出現改變,就連品味都180度變左!等我同佢儲起d typical既「成長片段」,將來慢慢回味啦
Posted by martharita on 09.2013   0 comments   0 trackback
Category :Algogogogo
 

Profile

一個徹底的白羊人。做事憑一股衝勁,接著後勁不繼,即朋友說的3分鐘熱度。怎麼說好呢﹖


即使只有3分鐘熱度,也學習如何好好發揮,成為最漂亮的永恆。

martharita

Author:martharita
事事有時節,天下任何事皆有定時: 生有時,死有時,栽種有時,拔除栽種的亦有時; 殺戮有時,治療有時,拆毀有時,建築有時; 哭有時,笑有時,哀悼有時,舞蹈有時; 拋石有時,堆石有時;擁抱有時,戒避擁抱亦有時; 尋找有時,遺失有時;保存有時,捨棄有時; 撕裂有時,縫綴有時;緘默有時,言談有時, 愛慕有時,憎恨有時;作戰有時,和睦有時。

事事有天主安排。

傾下計啦!

    カウンター

Welcome on board

Lilypie Third Birthday tickers

Since 2008 Jan

Monthly Archive

上記広告は1ヶ月以上更新のないブログに表示されています。新しい記事を書くことで広告を消せます。